Add oil!!!

Hello！好耐無上xange，一上就見到您事奉有D阻滯，睇呢您好唔開心，我無咩幫您，不過可以有少少分享，其實我近來都因為將來要為BB金錢打算而好有壓力，因為MIAN會全職照顧BB，但感謝神，每次神都在我接近絕望當中引領我，總算唔死得。 事緣是上個星期日，我因金錢上的問題而感到煩惱，壓力都好大，當我在北宣等MIAN的時候，我有一個感動要打開聖經，結果一打開就是太14:22，耶穌在水上走，彼得因為沒有信心而沉下去，我整個星期反覆思想這段經文： 「那時船在海中、因風不順、被浪搖撼」-我一直財政都不是豐足，加埋我D金錢管理不善，所以我就好似在船上不斷搖撼。 「彼得說、主、如果是你、請叫我從水面上走到你那裡去」- 我同MIAN早在兩年前決定生BB，清楚知道我地既情況的人，都會問你地生BB之後會點，我話初步都有想過，但我相信如果神要給我的，神一定保守，結果繼續祈禱，就好似彼得問耶穌可否從水面上走到你那裡去一樣。 「耶穌說、你來罷」- 神終於給予一個BB，預計09年3月出世，哈哈。 「只因見風甚大、就害怕．將要沉下去、便喊著說、主阿、救我」- 我其實情況雖然比以前多D，因為我唔駛擔心明天有無飯開，只係擔心月尾有無飯開(哈哈，都係死唔去)，今次我都有問神，點解您給的我BB令我咁大壓力，就好似彼得咁，雖然耶穌叫佢去，但風暴未止，所以彼得就沈了。 「耶穌趕緊伸手拉住他、說、你這小信的人哪、為甚麼疑惑呢」- 彼得真係少信咩，佢至少比其他11個多，我呢，就剛剛做了1個屬靈問卷，我的最大恩賜亦係信心，有時我都覺得自己信心過大，咁我欠什麼，當然係信心不足以去到耶穌處，我有我的時間，神有神的時間，我永遠是短暫的，神永遠是適當時候，在這個時候我應該做咩–係默默無聲等候神。 詩62:1-5         我的心默默無聲、專等候　神．我的救恩是從他而來。惟獨他是我的磐石、我的拯救．他是我的高臺．我必不很動搖。你們大家攻擊一人、把他毀壞、如同毀壞歪斜的牆、將倒的壁、要到幾時呢。他們彼此商議、專要從他的尊位上把他推下．他們喜愛謊話．口雖祝福、心卻咒詛。我的心哪、你當默默無聲、專等候　神．因為我的盼望是從他而來。                                                                       我覺得唔係剩等候神，因為剩等候神，會永遠去唔到神到，好似以色列民在曠野40年一樣，在等候神期間，係要與神建立關係，生命要作出轉化，直接來說，即係我未夠班去到神到，所以我依家不斷反醒改變，我相信終有一日會去到神到。試想像一下，如果彼得能夠在水上行到耶穌前，在水上搭著耶穌的手，咁就可以在水上與耶穌共舞，是何等之榮耀同恩典，所以我一定等下去。 你知唔知赤柱最靚既景色係咩，我上年又在另一個沮喪中，神讓我看見月亮光在水上的反映，是何等榮耀，神提醒我不論在日間或夜間，佢都是與我同在，所以我同MIAN一有時間就在赤柱找月亮，可惜見到水上月亮光的反映，只有兩三次。 講多樣野比你聽，因為預知3月之後會出現財政問題，所以我計劃製作一個上載相片、日誌同知識交流既網業，主要增加收入，本來我是一個電腦白痴，但係經過約1個月每晚兩小時的自學，絕大部份的程式經已處理，可望於今年推出，到時上吓xange又上吓我個網啦，今日個兩小時就豪比你啦，哈哈。     細佬        志偉